Мала-ваты. Аналізуем колькасць беларусаў у рашыстскіх суполках.

Згодна з лютаўскімі даследаваннямі, штодня ў сацыяльную сетку VK заходзяць 1,6 млн унікальных наведвальнікаў з Беларусі. Калі лічыць і тых, хто хоць раз на месяц адкрывае сваю старонку, то аўдыторыя дасягне 2,5 мільёна чалавек. Гэта ёсць найбуйнейшая сац.сетка Беларусі, якая па колькасці актыўных карыстальнікаў у 2 разы перавышае Аднакласнікі, у 4 разы Фэйсбук і ў 16 разоў Твітар.

Таму і зʼяўляецца зручнай пляцоўкай для розных даследаванняў. Сёння мы паглядзім, наколькі шмат актыўнай беларускай ваты ў VK. Гэта таксама дасць нам уяўленне пра становішча спраў у Беларусі. Мы выбралі 10 буйных прарасейскіх паблікаў і вырашылі паглядзець, колькі ў працэнтных суадносінах у іх чытачоў з Беларусі.

Владимир Владимирович Путин – паблік налічвае 739 728 ватнікаў.

Колькасць беларусаў у пабліку – 11 342, ці 1,53% ад агульнай колькасці.

Працуе расейскае ТБ, укладваюцца мільярды даляраў у інтэрнэт-прапаганду, а сапраўдных фанатаў Пуціна ў Беларусі нашмат менш, чым Каці Кобы.

АНТИМАЙДАН – паблік налічвае 501 194 ватнікаў.

Колькасць беларусаў у пабліку – 7404, або 1,47% ад агульнай колькасці.

Такім чынам, у найбуйнейшай суполцы, прысвечанай баталіям з праплочанымі бандэраўцамі і хахламі, колькасць нашых суайчыннікаў на ўзроўні статыстычнай хібнасці.

Сводки от ополчения Новоросии – паблік налічвае 454 427 ватнікаў.

Колькасць беларусаў у пабліку – 5453, або 1,19% ад агульнай колькасці.

Не надта хвалююць жыхароў нашай краіны прыгоды сепаратыстаў і тэрарыстаў на Данбасе.

Спутник и Погром – паблік налічвае 110 375 ватнікаў.

Колькасць беларусаў у пабліку – 1222, ці 1,1%.

Вось рэдакцыя сумесна з усімі вамі заблакавала гэтую чарнасоценную памыйніцу. Па ідэі, беларускія прыхільнікі дадзенай тлустаты павінны былі ламануцца чытаць рэсурс у сац.сеткі. А вось зусім і не.

Русские Патриоты (Союз Славян) – паблік налічвае 94 883 ватнікаў.

Колькасць беларусаў у пабліку – 1355, або 1,44% ад агульнай колькасці.

Мы думалі, можа, хоць казкі пра трыадзіных славянаў, «адзіную Русь» глыбока заселі ў падкорцы сярэдняга беларуса. Але высвятляецца, што зусім не.

НОД – паблік налічвае 47 325 ватнікаў.

Колькасць беларусаў у пабліку – 520, або 1,09% ад агульнай колькасці.

Ні масавыя пікеты колькасцю ў 6 чалавек, ні дзіўныя шапкі і крыкі «Но пасаран!» ніяк не прыцягнулі ўвагу беларусаў. Усе намаганні дарма.

Што па выніках?

Можна было б прывесці яшчэ шмат іншых ватных суполак, але карэляцыя ўсюды б была аднолькавай: ад 1 да 1,5%. Але лічбы змяняюцца, калі пачаць вылічваць колькасць беларусаў у найбуйнейшых непалітычных суполках VK: У MDK іх 3,8%, у Новинках Музыки 4,1% і г.д.

Таксама не знойдзена буйной беларускай фракцыі застабілаў або ватнікаў, якія б па сваёй колькасці пераўзыходзілі нацыянальна-арыентаваныя суполкі. «Мая Краіна Беларусь», «Это Минск, детка!» і іншыя ў шмат разоў пераўзыходзяць ватаноў-няўдачнікаў.

У сухім астатку атрымліваецца, што беларуская нацыянальна-арыентаваная прастора VK раз у 8-10 пераўзыходзіць прарасейскую. Улічваючы, што асноўная аўдыторыя дадзенай сац.сеткі па ўзросце складае ад 15 да 44 гадоў, можна сцвярджаць, што ў сярэднім беларускае грамадства куды больш стрымана ставіцца да ідэй «рускага свету», чым нам часам здаецца.