Нам нужна ваша помощь

Прочитайте наше обращение. Вы важнее, чем думаете.

Просмотреть
Скрыть
1863x

Политика

Як Крэмль за грошы стварае 5-ую калёну ў Беларусі: журналісты, палітыкі, актывісты.

1863x, 18 July 2017

Калі хтосці думае, што прарасейскія сілы адступіліся ад Беларусі і паменшылі сваю актыўнасць, то ён памыляецца. Расейская агентура проста зрабіла работу над памылкамі 2014-2016-га гадоў, калі аўтар гэтых радкоў разам з іншымі журналістамі зрывалі пакровы, робячы крамлёўскай шушары вельмі балюча. Фіналам стала “справа беларусафобаў”, калі КДБ затрымаў палітычных заказушнікаў, якія пісалі тэксты для антыбеларускіх СМІ.

Але пакуль ёсць расейскія грошы, будзе і ўплыў. А грошаў шмат, і яны пастаяннымі патокамі ліюцца ў нашу медыяпрастору, як танны разбадзяжаны спайс ў арганізм неакрэплага школьніка.

ЗАЧЭПКА

Неяк раз, калі рэдакцыя ў патугах складала чарговы русафобскі тэкст, да нас пагрукаўся чарговы старэйшы оперупаўнаважаны ААЦ па лініі контр.разведкі 3-га аддзелу 4-га медыйнага сектару кантролю. І вось што паведаміў.

І прыклаў да гэтага наступны скрыншот.

Гэта азначае рашысты зноў спрабуюць скупіць нашых журналістаў? Рэдакцыя ледзь не папярхну-лася “Лідскім квасам” ад такога нахабства. Па-мойму, мы шмат разоў паказвалі і даказвалі, што вашыя розныя мудацкія ўбогія праекты тут не выжывуць. Мы даціснулі блякаванне “Спутника и Погрома” наўпрост з жодзінскага ізалятару, выкрывалі прадажных недапалітыкаў, прымушалі звальняцца прапуцінскіх настаўнікаў і г. д. Але вось чарговыя неабстраляныя мудакі лезуць на нашае поле палітычнага хайпу, ды яшчэ і назвалі сябе “Политринг”. Жадаеце спаборніцтваў? Атрымлівайце!

ПОЛИТРИНГ – politring.com

Спачатку нас сустракае дызайн, выдзіраючы вока, які здолее выклікаць прыступ эпілепсіі нават у здаровага чалавека. Любога рашыстскага агента адразу выдае знешні выгляд. Гэта як калі разьведчыку начапіць кіпу беларускіх значкоў з афіцыйным дзяржаўным сцягам і шпацыраваць па Мінску, мяркуючы, што сыдзе за сваіх.

Каб вы разумелі, 50 даляраў для беларускіх медыя гэта вельмі нядрэнныя грошы, асабліва ў ця-перашні крызіс. І запомніце гэты тарыф у 50 даляраў, нам гэтая лічба яшчэ спатрэбіцца.

Прымяркуйце, яны нагэтулькі афігелі, што могуць аплачваць сваю заказуху наяўнымі праз свайго чалавека, які раз’язджае па беларускай сталіцы з валізай расейскіх грашэй. Агентура ў чыстым вы-глядзе. І мяркуючы па ўсім, грошаў у іх як гразі. Пакажам гэта на простым прыкладзе.

Як мы пісалі вышэй, Чудзянцову прапанавалі 50 даляраў за навіну аб круглых сталах, зарганізава-ных невядомым дагэтуль грамадскім рухам “Гражданское согласие” (запомніце гэту назву, далей спатрэбіцца) паміж “апазіцыяй”, уладай і прарускімі рухамі. Таксама там свяціліся знаёмыя асобы кшталту Аляксея Дзерманта, Пятра Пятроўскага, Сяргея Лушча і іншых аматараў “рускага свету” і “еўразійства”.

А цяпер паглядзім, хто ж запосціў гэтую навіну са станоўчым акцэнтам.

Дзяржаўнае выданне ЗВЯЗДА!

Левы сайт, які належыць быццам беларускім апазыцыйным камуністам “Справедливый Мир”.

Віцебскі рэгіянальны сайт VitebskCity

Дастаткова чытаемы “незалежны сайт” UDF.BY

Ну і вядома ж, аматары мірных пераменаў ад “Гавары Праўду”.

Таксама публікацыі былі на шэрагу сайтаў больш дробных рэгіянальных СМІ, на розных рэсурсах невядомых блогераў (не будзем вас стамляць іх пералікам). Зарплата добрага журналіста была за-роблена толькі на асвятленні адной гэтай сходкі. У выніку мы маем тое, што гаспадары Politring.com, акрамя свайго стварэння, займаюцца яшчэ прасоўваннем розных мясцовых прара-сейскіх зашкварнікаў пад выглядам “палітычнай альтэрнатывы”.

Паліва ў чыстым выглядзе

Ну што, сябры. У рэдакцыі скончваюцца грошы, і нам пара ўладкавацца на працу.

ЎЛАДКОЎВАЕМСЯ НА ПРАЦУ ПУЦІНСКІМ ПРАПАГАНДЫСТАМ

Такім чынам, мы стаміліся есці “Мивину” і вырашылі ссекчы грошыкаў. Пытаемся пра кантакты.

На самай справе мы думалі, што такі спосаб не пройдзе, таму што гэтыя рашысты, мяркуючы па тактыцы, у 50 разоў асцярожней, чым іх калегі гады таму. Але калі праекты гараць, усё магчыма… Вырашылі напісаць “Аркадию Нестеренко” (ёсць такі самы журналіст Белсату і эксперт “Аркадзь Несцярэнка”, які не мае ніякага дачынення да гэтай гісторыі, але тут альбо супадзенне, альбо сьвядомая правакацыя.)

Развод ідзе далей.

Гэта вельмі важны момант. Яны не проста робяць рашысцкія рэсурсы ў розных краінах. “Прысутнасць на мерапрыемствах і актыўны ўдзел персанальна абавязковы”, “яшчэ магу набываць кан-такты розных людзей у РБ” – азначае, хлопцы збіраюцца займацца канкрэтнай палітыкай у Бела-русі, набываючы сабе лаяльнасць журналістаў, актывістаў, шукаюць кантакты і магчымасці для стварэння сапраўднай 5-й калёны ў нас у краіне.

“Нашмат важней самога артыкулу той, хто яго пісаў” – асноўны момант, які тлумачыць новую тактыку крамлёўцаў. Калі да гэтуль яны рабілі разгалінаваную сетку навінавых праектаў, якія паходзілі пад незалежныя медыя (тыпу 4esnok.by і іншых), то цяпер збіраюць “лідэраў меркаванняў”.

Бачыце, размяшчэнне на іншай пляцоўцы каштуе куды даражэй, чым артыкул на сам сайт (50 да-ляраў супраць 20, а таксама магчыма распілоўванне).

Тэрмінова вывучаю балгарскую мову.

Прыйшлі яны ў РБ усур’ёз і надоўга, каб спаліцца як дурні і хутка.

Сябры палітыкі і журналісты, хопіць актыўна карыстацца скайпам – гэта мінулы век і зусім ненадзейна.

Такім чынам усё зразумела. Некаму далі як мінімум пару сотняў тысяч даляраў, а то і больш, для падрыхтоўкі базы прадажных курваў сярод розных слаёў палітычна-актыўнага насельніцтва. Спачатку ідзе прыкормка, знаёмства, прыцірка і прыгледжванне. А потым у патрэбны момант вам прапануюць канкрэтна так здрадзіць Радзіме за добрую суму. Мы ўжо ўсё гэта бачылі на прыкладзе Украіны.

Самае цікавае, што незадоўга да публікацыі мой Skype, з якога вялася перапіска, быў узламаны.

ВЫВУЧАЕМ СУВЯЗІ Ў САЦ.СЕТКАХ

Крамлёўцы падышлі грунтоўна і завялі старонкі свайго праекта амаль ва ўсіх магчымых сац.сетках – ВКОНТАКТЕ, Facebook, Аднакласнікі, YouTube і нават Telegram-канал стварылі. Але з-за таго, што колькасць чытачоў гэтага высера імкнецца да нуля, нам было лёгка вылічыць іх SMM-шчыка, які рэгулярна абнаўляе старонку праекта ў VK для ўсіх 4 падпісчыкаў.

Фармальна кантактным тварам і адмінам старонкі ў VK з’яўляецца жаночы фэйк пад імем Антонина Антонова.

Акрамя яе ў пабліку ёсць аж цэлых тры чалавекі. Сярод усіх удзельнікаў нашу ўвагу прыцягнула істота з ярка выяўленай ватай галаўнога мозгу Павел Загорец.

Сярод суполак, на якія ён падпісаны, паблік Политринга стаіць на першым месцы. VK ранжыруе паблікі на старонцы ў адпаведнасці з тым, наколькі карыстальнік туды часта заходзіць. Дык вось у Паўла Политринг займае першае месца.

Улічваючы, што ў пабліку проста ідзе даволі часты постынг публікацый сайту і там няма ні арыгінальных мемаў, ні абмеркаванняў, ні пытанняў, ды і наогул там ёсць 2,5 чалавекі, то, па ўсёй бачнасці, Павел так часта заходзіць туды, таму што і з’яўляецца адмінам пабліку. Што сцьвярджае паліва на самой старонцы.

Павел спрабуе троліць кагосьці ў ФБ з жаночага фэйку. Таксама жаночы фэйк запраўляе паблікам Политринга ў VK.

Ну і сярод артыкулаў сайту таксама знаходзім некалькі публікацый пацыента.

 

Цяпер пяройдзем да твітеру, там усё яшчэ прасцей. У іх няма ні аднаго твіту і ўсяго адзін чытач – Арцём Агафонаў.

Сустаршыня аргкамітэту руху “Гражданское Согласие” – дзесьці мы гэта ўжо чулі? Так, у самым пачатку артыкулу, калі высвятлялі, хто за 50 баксаў прадаўся і запосціў навіну аб круглым стале паміж уладай, прарускімі рухамі і апазіцыяй. Дык вось, дадзены круглы стол арганізоўвала як-раз “Гражданское Согласие “.

Агафонаў у былым “апазіцыянер”, нават узначальваў мінскую абласную ячэйку АГП (Аб’яднаная Грамадзянская Партыя). Ствараючы сваё ” Гражданское Согласие” яны выразна пазначылі накіра-ванасць праекта: “Мэтавая аўдыторыя — кансерватыўная рускамоўная большасць, якая не жадае дэстабілізацыі абстаноўкі ў краіне і абвастрэння міжнацыянальных супярэчнасцяў. Стаўленне да ўлады — незалежнае, аднак у рэзкай канфрантацыі не зацікаўлены“. Метадычкі такія ж, як у таго паліт.тэхнолага, з якім мы размаўлялі ў Скайпе.

ХТО Ж ВЫРАШЫЎ ПАДЗАРАБІЦЬ РАСЕЙСКІХ ГРОШАЎ?

Такім чынам, пераходзім да самага цікавага. Каго ж змаглі спакусіць крамлёўскія паліт.тэхнолагі? Спачатку разгледзім тых, хто і так даўно заскварыўся.

Арцём Агафонаў – стваральнік ўжо згаданага “Гражданского Согласия”.

Яўген Канстанцінаў – былы віцебскі недаапазіцыянер, гарачы аматар рускай манархіі.

Андрэй Лазуткін – малады камуніст, аматар накідваць на тэму Курапатаў.

Эльвіра Мірсалімава – яшчэ адзін чалец “Гражданского Согласия “, віцебская ватовая актывістка.

Юрый Глушакоў – былы вылучэнец у кандыдаты на пост Прэзідэнта ад партыі “Зялёных”, гомель-скі палітык і актывіст.

У перапісцы нам распавялі, што важна імітаваць прысутнасць і “альтэрнатыўных” меркаванняў для імітацыі “незалежнасці” пляцоўкі. Таму туды нават цягнуць артыкулы Паўла Севярынца, Уладзіміра Някляева, Андеря Дынько і г. д., якія публікаваліся раней на іншых сайтах. Прысутнічаюць публікацыі і актывістаў, якіх прынята лічыць апазыцыйнымі.

ВЫСНОВЫ

Крамлёўская агентура стала хітрэй, пластычней, рухомей і больш тактоўнай. Замест кідкага прапуцінізму і імперскасці, яны зараз ствараюць вобраз палітычнай “трэцяй сілы”, якая нават жадае прымірыць вечна варожыя бакі – уладу і змагароў. Робіцца гэта з дапамогай кур’ераў, якія раз’язджаюць па Мінску і чорным налам аплочваюць вытворчасць кантэнту. Пасля “справы бела-русафобаў” яны не адступіліся, а проста змянілі тактыку.

Навошта гэта робіцца? Крамлёўцы заўсёды працуюць на некалькі крокаў наперад. Цяпер яны, як мы чыталі раней, усталёўваюць кантакты з палітыкамі і журналістамі, прыкормліваюць патрэбных актывістаў, якія імкнуцца прыняць удзел у беларускай палітыцы. Пабудаваўшы масткі, яны пачнуць убухваць сродкі для пабудовы моцных таранаў, якія ў патрэбны момант нанясуць удар па нашай незалежнасці. Таму заклікаем усіх быць пільнымі, асабліва медыйных персон. Да вас мо-гуць падысці так хітра і так непрыкметна, паабяцаўшы лёгкія грошы, што вы нават адразу нічога і не западозрыце. Але потым ужо будзе позна.

30 срэбранікаў прыводзяць да дрэннага

І напрыканцы. Усім мамкіным паліт.тэхнолагам, якія тут прасоўваюць расейскую зацікаўленнасць, – вы тупыя дэгенераты. Ніхто ўжо цяпер не чытае сайты так, як раней, уся аўдыторыя з кожным годам усё больш і больш сыходзіць у сац.сеткі. Ваш нікчэмны “Спутник”, які вы так пампезна адкрывалі з Ананіч і Кісялёвым, у які ўвалілі велізарныя рэсурсы, не здольвае апярэдзіць па наведвальнасці беларускамоўную “Нашу Ніву”. І гэта улічваючы, што 80% “Спутника” выпадко-выя людзі, якія зайшлі з навін Яндэкса або Мэйл.ру або проста праз Google.

І калі да вас гэта дойдзе і вы вырашыцеся сунуцца ў беларускую блогасферу – там буду чакаць вас я, Матолька, Лосик і яшчэ пару дзясяткаў адпетых русафобаў, якія раз**буць вас за пару хвілін. А калі нас пасадзяць, на наша месца прыйдуць новыя і дакладна таксама вас нацягнуць па самыя памідоры.

Ну а ўсім неабыякавым чытачам хачу сказаць, што вельмі важна усімі сіламі падтрымліваць па-сапраўднаму незалежныя медыя і палітыкаў, якіх як кацяня наплакалаў (вось у нас пачаўся чарго-вы збор ахвяраванняў – далучайцеся). Нам процістаіць галінастая, магутная, хітрая машына Крамлю, якая жадае падмяць пад сябе нашу краіну. Але з вашай дапамогай і падтрымкай мы пераможам.

Жыве Беларусь!